რექტორის მისალმება

ჩვენი პრიორიტეტი არის, ერთის მხრივ, სწავლების პროცესში თანამედროვე მეთოდების და ტექნოლოგიების გამოყენება, მეცნიერების უახლესი მიღწევების პროცესში მაქსიმალურად სწრაფი ინტეგრაცია, თანამედროვე სამეცნიერო ლიტერატურის მოძიება და მიწოდება სტუდენტებისა და პროფესორ-მასწავლებლებისათვის. მეორეს მხრივ, მიგვაჩნია, რომ ქართული სამედიცინო სკოლის ტრადიციები ძალიან მდიდარია და მნიშვნელოვანია, რომ სტუდენტებმა ვრცელი ინფორმაცია მიიღონ მათ შესახებ. 

 პროცესში არსებითად არის ჩართული სამი სამკურნალო დაწესებულება: ალექსანდრე ალადაშვილის სახელობის საუნივერსიტეტო კლინიკა, თბილისის ბალნეოლოგიური კურორტი და ჯეო ჰოსპიტალსის სამედიცინო დაწესებულებების ქსელი საქართველოს მასშტაბით. აღნიშნულ სამედიცინო დაწესებულებებს სამედიცინო და საგანმანათლებლო საქმიანობის მრავალწლიანი ტრადიცია გააჩნიათ და ამჟამად წარმოადგენენ ულტრათანამედროვე სამედიცინო ცენტრებს.ეს ნათელი მაგალითია იმისა, რომ ჩვენს უნივერსიტეტში საგანმანათლებლო პროცესი მჭიდრო კავშირშია პრაქტიკულ საქმიანობასთან, რაც არსებითად უწყობს ხელს სტუდენტის პრაქტიკოს ექიმად ჩამოყალიბებას. 

 ჩვენი უნივერსიტეტი მოწოდებულია, მოამზადოს მაღალკვალიფიციური ექიმები, რომლებიც შემკული იქნებიან როგორც პროფესიული, ისე პიროვნული ღირსებებით და ორიენტირებული იქნებიან მუდმივ განვითარებაზე. მზად ვართ ვითანამშრომლოთ ყველასთან, ვინც ამ მიზნების შესრულებაში დაგვეხმარება. 

 მოხარული ვიქნები, თუ გიხილავთ ჩვენს უნივერსიტეტში სტუდენტის ან პედაგოგის სტატუსით. ჩვენი კარი თქვენთვის ყოველთვის ღიაა! 
                               

                                                                                    რექტორი, პროფ. შ. პეტრიაშვილი