არიზონის სახელმწიფო უნივერსიტეტის (ASU) მხარდაჭერით მოქმედმა აღმოსავლეთ-დასავლეთ უნივერსიტეტმა მონაწილეობა მიიღო ASU–Cintana Experience (ACE) 2026-ის კონფერენციაში, რომელიც არიზონის სახელმწიფო უნივერსიტეტში, ქალაქ ტემპში, არიზონას შტატში გაიმართა.

უნივერსიტეტს კონფერენციაზე წარმოადგენდნენ ნათია ზედგინიძე, აღმასრულებელი ვიცე-პრეზიდენტი და ბიზნესის, ტექნოლოგიებისა და ინტერნაციონალიზაციის მიმართულების ვიცე-პრეზიდენტი, ასევე ქეთევან ხუროძე, უნივერსიტეტის აკადემიური გუნდის წარმომადგენელი.

ACE 2026-მა ASU–Cintana ალიანსის წევრი უნივერსიტეტების ხელმძღვანელები და პროფესიონალები გააერთიანა. კონფერენციის მიზანი იყო გამოცდილების გაზიარება, საუკეთესო პრაქტიკის გაცნობა და უმაღლესი განათლების სფეროში არსებული და მომავალი საჭიროებების განხილვა. ღონისძიებამ სხვადასხვა ქვეყნისა და საგანმანათლებლო დაწესებულების წარმომადგენლებს მისცა შესაძლებლობა, საერთო მიზნის გარშემო გაერთიანებულიყვნენ — შეექმნათ სტუდენტებისთვის სწავლის უკეთესი გამოცდილება და განვითარების მეტი შესაძლებლობა.

დისკუსიების ძირითადი თემები მოიცავდა ხელოვნურ ინტელექტს, სწავლების ინოვაციურ მიდგომებს, ინსტიტუციურ განვითარებასა და საერთაშორისო თანამშრომლობას. მონაწილეებმა იმსჯელეს, თუ როგორ შეუძლიათ უნივერსიტეტებს ტექნოლოგიურ ცვლილებებთან ადაპტირება, აკადემიური საზოგადოებების გაძლიერება და სტუდენტების წარმატების ხელშეწყობა.

აღმოსავლეთ-დასავლეთ უნივერსიტეტისთვის კონფერენცია მნიშვნელოვანი გამოცდილებისა და ახალი პერსპექტივების გაცნობის შესაძლებლობა იყო. ამასთანავე, ღონისძიებამ ხელი შეუწყო ალიანსის წევრ უნივერსიტეტებთან პროფესიული კავშირების გაღრმავებას. პარტნიორ ინსტიტუციებთან გამოცდილების გაზიარება უნივერსიტეტებს ეხმარება ერთმანეთისგან ისწავლონ, განიხილონ ახალი მიდგომები და სამომავლო თანამშრომლობის შესაძლებლობები გამოავლინონ.

შეხვედრის ერთ-ერთი მთავარი გზავნილი იყო იდეების პრაქტიკაში განხორციელების მნიშვნელობა. ACE 2026-ის ფარგლებში დამყარებული კავშირები და გაზიარებული გამოცდილება ალიანსის წევრებს შორის სამომავლო თანამშრომლობის მყარ საფუძველს ქმნის, რაც ASU-სა და მისი საერთაშორისო პარტნიორების ცოდნასა და გამოცდილებას კიდევ უფრო ხელმისაწვდომს ხდის სტუდენტებისა და აკადემიური გუნდებისთვის.

აღმოსავლეთ-დასავლეთ უნივერსიტეტის მონაწილეობა კონფერენციაში კიდევ ერთხელ ადასტურებს მის ერთგულებას საერთაშორისო თანამშრომლობისა და საგანმანათლებლო გამოცდილების მუდმივი განვითარების მიმართ, რაც ცოდნის გაზიარებითა და პარტნიორული ურთიერთობების გაძლიერებით მიიღწევა.