აღმოსავლეთ-დასავლეთის უნივერსიტეტი სიამაყით აცხადებს მნიშვნელოვან ეტაპს თავისი განვითარების ისტორიაში. აკრედიტაციის საბჭომ უნივერსიტეტის რვა ახალ აკადემიურ პროგრამას ოფიციალურად მიანიჭა აკრედიტაცია, რაც უნივერსიტეტის საერთაშორისო სტანდარტების შესაბამისი უმაღლესი განათლების განვითარების ახალ ეტაპს წარმოადგენს.

პროგრამები შემუშავებულია არიზონას სახელმწიფო უნივერსიტეტთან (Arizona State University – ASU) პარტნიორობით და სტუდენტებს სთავაზობს საერთაშორისო აკადემიურ სტანდარტებსა და ამერიკული განათლების მოდელზე დაფუძნებულ სასწავლო გამოცდილებას.

ინგლისურენოვანი აკრედიტებული პროგრამებია:

საბაკალავრო პროგრამები

• საერთაშორისო ბიზნესი
• გლობალური მენეჯმენტი
• ბიზნესის საინფორმაციო სისტემები

სამაგისტრო პროგრამები

• აღმასრულებელი მაგისტრი ლიდერობასა და მენეჯმენტში
• გლობალური მენეჯმენტი
• ჯანდაცვის პოლიტიკა და მენეჯმენტი
• ბიზნეს ანალიტიკა
• ხელოვნური ინტელექტი ბიზნესში

საერთაშორისო ორიენტაციის მქონე ეს პროგრამები სტუდენტებს სთავაზობს ორმაგი დიპლომის გზის შესაძლებლობას, რაც მათ აძლევს წვდომას გლობალურ აკადემიურ გამოცდილებაზე და ქმნის დამატებით შესაძლებლობებს როგორც სწავლის გაგრძელების, ისე პროფესიული განვითარების მიმართულებით.

აკრედიტაციის საბჭოს ანგარიშში ასევე აღნიშნულია, რომ რვავე პროგრამა შემუშავებულია Arizona State University-ის სასწავლო გეგმების საფუძველზე და სრულად შეესაბამება მის აკადემიურ მოდელებს, რაც სტუდენტებს საერთაშორისო სტანდარტების შესაბამის განათლებას უზრუნველყოფს.