აღმოსავლეთ-დასავლეთ უნივერსიტეტისა და არიზონის სახელმწიფო უნივერსიტეტის, ჩვენი სტრატეგიული პარტნიორის, თანამშრომლობის ფარგლებში, Cintana Education-თან ერთად, 4-5 ნოემბერს, ორდღიანი ვორქშოფი – „Clinical Education: Instructor Level I“, ჩატარდა, რომელსაც დოქტორი მანოელა მალტა, Cintana Education-ის ჯანდაცვის მეცნიერებების, განათლებისა და პროდუქტების დირექტორი გაუძღვა.

ღონისძიების მიზანი –  კლინიკური და პრეკლინიკური მიმართულების აკადემიური, მოწვეული და ადმინისტრაციული პერსონალისთვის სიმულაციაზე დაფუძნებული სწავლების მეთოდოლოგიების გაზიარება გახლდათ. მონაწილეებმა ორი დღის განმავლობაში პრაქტიკული აქტივობების მეშვეობით შეისწავლეს Task Training, Peer-to-Peer და Simulation Scenario სესიების ორგანიზებისა და მართვის მეთოდოლოგიები.

ვორქშოფში აქტიურად იყვნენ ჩართული EWU-ის სტუდენტებიც, რომლებიც სიმულაციურ სესიებში მონაწილეობდნენ.

აღნიშნულ ღონისძიებაში 50-ზე მეტმა პროფესორმა და სტუდენტმა მიიღო მონაწილეობა, მიზნად კი აღმოსავლეთ-დასავლეთ უნივერსიტეტში (Powered by Arizona State University) კლინიკური განათლების ხარისხის გაძლიერება და სწავლების ინოვაციური მიდგომების დანერგვა დაისახა.