აღმოსავლეთ-დასავლეთ უნივერსიტეტის პრეზიდენტის 2025 წლის 8 დეკემბრის N01-164 ბრძანების საფუძველზე, ბიზნესისა და ტექნოლოგიების სკოლაში გამოცხადდა ღია აკადემიური კონკურსი 43 საშტატო ერთეულის დასაკავებლად:

• პროფესორი – 7 საშტატო ერთეული;
• ასოცირებული პროფესორი – 14 საშტატო ერთეული;
• ასისტენტ-პროფესორი – 22 საშტატო ერთეული.

კონკურსის ობიექტურად და გამჭვირვალედ წარმართვის მიზნით, პრეზიდენტის 2025 წლის 24 დეკემბრის N01-180 ბრძანებით შეიქმნა საკონკურსო კომისია შემდეგი შემადგენლობით: გიორგი ნასყიდაშვილი (კომისიის თავმჯდომარე), ნათია ზედგინიძე-ჯიშკარიანი, ავთანდილ გაგნიძე, ხათუნა საგანელიძე და ლია ობგაიძე.

კონკურსის მიმდინარეობა

პირველი ეტაპი: ადამიანური რესურსებისა და საქმისწარმოების სამსახურმა კომისიას 44 განაცხადი წარუდგინა. დოკუმენტაციის შესწავლის შედეგად, გასაუბრების ეტაპზე გადავიდა 38 კანდიდატი.

მეორე ეტაპი: 2026 წლის 20-21 იანვარს ჩატარდა გასაუბრებები, სადაც კომისიამ შეაფასა კანდიდატთა აკადემიური პოტენციალი, კვლევითი გამოცდილება და ადმინისტრაციული საქმიანობა. გასაუბრების ეტაპი წარმატებით 35-მა კანდიდატმა გადალახა.

კონკურსის ფარგლებში, ორ აპლიკანტს გაეწია რეკომენდაცია სამომავლო სამეცნიერო თანამშრომლობაზე, ხოლო ერთს – მოწვეული ლექტორის პოზიციაზე.

შედეგების დამტკიცება

კომისიის დასკვნის საფუძველზე, 2026 წლის 26 იანვრის N01-10 ბრძანებით, გამარჯვებული კანდიდატები დაინიშნენ შესაბამის აკადემიურ თანამდებობებზე. ინფორმაცია გამარჯვებულთა შესახებ 27 იანვარს ოფიციალურად გამოქვეყნდა უნივერსიტეტის ვებ-გვერდზე.